頭先去咗睇呀「大長今」。去之前成日同自己話「設計對白」遊戲：

醫生：「呢位太太，你見有啲乜嘢唔舒服呀？」

我：「唔知點解呢牌無乜胃口囉，成日都頂住頂住咁...」

醫生：「好，等我幫你把吓脈先...咦，你呢個係喜脈嚟㗎喎！恭喜你呀你有咗啦！」

***

當然我無咁樣玩個中醫啦，你真係當我儍㗎咩...不過呢位「大長今」真係有啲料喎，佢剩係問我幾個問題，就知道我身體有乜嘢毛病，咁當然亦都有把脈啦。佢仲同我講而家要好好調理身體，第時BB出咗嚟啲毛病仲會無咗嚟！

勁！

佢執咗5劑藥俾我，本來叫我5日之後返來覆診，點知佢實在太忙，要10日後先可以再睇過！

咁唯有慢慢食啲中藥啦...