尋日去圖書館借咗好多Mozart嘅CD 返屋企。

胎教吖嘛，要由細開始㗎！

我都未有機會開嚟聽，已經太攰要瞓覺嘞，但係當我瞓到半夜要去厠所嘅時候，突然聽到有音樂聲。

睇睇個鐘，嘩，成3點幾啦喎，老公仲未瞓？

但係出到廳，啲燈又熄哂喎...

跟住就發現，原來老公喺書房開著個電腦，一邊播莫扎特，一邊瞓覺。

都幾有心思嘅，只不過我係嗰啲一聽音樂（特別係古典音樂）就會好專心聽，同埋瞓唔著嗰啲人（而家有咗仲厲害咗㖭），所以一知道有音樂，我隻耳仔就會不期然地豎起，搞到雖然好眼瞓，但係始終瞓唔著。

到6點幾，我終於頂唔順，走去熄咗啲音樂。

好在今日精神都算OK。

唔，我覺得都係好嘅，起碼知道BB都係一個鐘意聽音樂嘅人吖！