尋日開始，成日腳抽筯。

首先係聽講座嘅時候，因為張椅有啲釣腳，攪到坐咗一個鐘左右，兩邊大腿後面條筯就開始抽住抽住，一直痛到落小腿。

到break嘅時候起身行咗一陣，跟住就走咗去坐高椅，同埋坐後面，如果唔舒服都仲可以企喺身，無咁礙眼。

仲要攞多個Cushion 墊腳㖭！

不過終於都係抽筯。

今日返崇拜嘅時候都好地地嘅，但係上主日學上到一半條筯又開始抽嘞。後㖭同阿女出完街，揸緊車返屋企，右腳又開始抽筯！

一路揸車一路抽筯，真係好辛苦！

後來落咗車，一企起身行兩行，又好番好多嘞。

我知道Leg cramp喺孕期間係好普遍嘅...嘩咁咪有排受？