大肚，係一件都幾開心嘅事。

我諗因為一直自己都好介意自己嘅身型，儀表，別人對自己嘅睇法，所以自己會好少行shopping mall，好唔鐘意好多人嘅日子去時代坊或者其他華人商場... 主要係因為成日都覺得身邊嘅人會有意或無意間對自己評頭品足，又會覺得我件衫唔襯我個袋，又會覺得我髮型唔襯我對鞋，又或者啲衫咁老土，咁肥都著埋啲咁嘅衫，條褲都唔係名牌嚟嘅...等等... 都係一啲自我形象嘅問題，由細到大都好似haunt住自己咁。

但係而家，挺住個肚周圍走，雖然都係唔係著名牌，雖然都係著嗰啲鞋，雖然個頭都係差唔多（有時仲要再亂啲），仲要都仲係咁肥...但係總會覺得... 「其實無所謂啦！大肚婆係咁㗎啦」嘅感覺。

唔知點解，出街嘅時候會有自信咗，唔會有嗰種「啲人睇我唔起」嘅感覺。

I know, it's just a feeling. But I am happy to be where I am right now. :)

好希望繼續感受到上帝嘅醫治。