多謝哂！

終於，老爺奶奶上個星期一離開咗溫哥華返咗香港嘞。真係要好多謝好多謝佢哋，因為由佢哋一到埗開始到離開，佢哋都係不停咁照顧我哋一家三口：由煮飯到洗衫到買餸到執頭執尾，全部都由佢哋一手包辦，攪到我呢個平時鐘意乜都自己做嘅人無哂細藝...不過如果唔係咁，我就無辦法咁專心湊仔，亦都無復原得咁快。

多謝哂！

所以上星期日，即係佢哋喺溫哥華最後一日，我哋一家大小去咗遊車河，去漁人碼頭啦，去農場買菜啦，跟住再去壽司店食溫哥華出名嘅All-you-can-eat。

開開心心，寫意地享受著三代同堂嘅天倫樂！

神仲俾我哋睇到一條好靚嘅彩虹㖭！

讓我哋唔好忘記，天父嘅供應係唔會間斷的！

爹哋媽咪，願主祝福你哋在香港嘅生活，我哋好快就會見面㗎啦！:)