有骨氣爆樽事件

（吖吔好痛苦呀！唔知做乜今日blogger只係俾我每次upload一張相，搞到我寫咗好耐都寫唔完個blog...）

今日三八婦女節，我開到聲話「今晚慶祝三八婦女節，我唔煮飯要出街食㗎！」老公又點會托手肘呢？:)

去咗新城市廣場嘅「有骨氣」，又係all you can eat，都唔錯吖！啲服務員態度好sincere，出食物又快，老公個「衛生測試肚」都detect 唔到有問題，價錢亦唔貴，值得試試佢㗎！

當我哋食到興起，阿仔又要開餐嘞。我醒目地向侍應要咗一jar冰水，跟住就攞自己啲熱水沖奶，沖完之後，就成支奶放入jar冰水度。

跟住，隻手feel到"bok"一下，再睇睇：





原來成個樽底爆咗！

咁又無玻璃彈出嚟，好安全嘅，只不過係無咗我哋大拿拿兩個玻璃奶樽嘅其中一個，同埋無啦啦整咗jar貎似杏霜嘅液體出嚟啫。

好在阿仔唔算好肚餓，我哋屋企又唔係火煱店好遠，如果唔係「有奶粉冇奶樽」都幾弊...