嘩！！！！！

唔寫真係對唔住神！

今日完咗崇拜，去完Elton屋企睇完波（老公睇住西班牙贏咗不知幾開心！），我就提議去Walmart，因為我想睇吓鞋啦，又想睇吓啲baby car seat 同埋umbrella stroller，因為諗住阿仔都大個仔啦，都係時候要坐番架大個仔嘅車車嘞，同埋都要預備隨時還番set stroller and car seat俾Agnes，等佢借俾家姐用吖嘛。而且如果遲啲要去旅行嘅話，用umbrella stroller就會更加方便啦。

去到walmart，見到有兩個都唔錯嘅stroller，但係一個就縮得唔夠細，另一個就無蓬遮陰，所以最後都係無買到。

返到屋企，去到前門，就見到有個umbrella stroller放咗喺大堂度。我仲打趣同老公講：「蝦，係咪無人要嘅呢？」因為我哋喺度咁耐，都真係無人理過個stroller。

番到屋企，我哋轉去個security camera電視台度睇咗十幾分鐘，都係無人理個stroller喎。我哋就諗：橫掂都要倒垃圾，不如等老公落去再睇吓個stroller啦，如果真係無人嘅就攞番嚟啦。



落到去，我喺個電視睇住老公喺度check個stroller，跟住佢就攞起個stroller對住鏡頭講嘢（其實呢個電視係所有我哋呢橦樓嘅人都可以睇到嘅...），我又聽唔到佢講乜，只係見到佢講完就攞咗個stroller搭𨋢上嚟，心諗：佢梗係同我講：「我攞㗎嘞，攞咗番嚟先啦！」咁咪喺門口迎接佢囉。

佢一入門口，就同我講：「真係神蹟呀！」我心諗：「？？？」跟住佢就叫我睇吓個stroller。原來個stroller上面寫住：



嘩！！！！！！！！！！！！！！

我真係開心到啲眼水標住出嚟呀！！呢個stroller唔只可以摺得細，仲要有蓬遮陰，又係名牌，仲要唔駛錢！

你話上帝係咪錫到我哋燶呢！！！

感謝神！:)