我和仔仔的一個星期天

老公去咗多倫多，所以今個主日變咗我同仔仔嘅「二人世界」。:)

朝頭早阿仔又係八點零起咗身，所以就去咗9:30嘅城北崇拜。跟住同仔仔返屋企瞓覺（成兩個鐘！），之後就同阿仔去咗公園玩。

本來只係想同阿仔學行，不過後來佢好攰，我又諗，其實俾佢接觸多啲新事物都係好事（同埋其實我好攰），所以就索性俾佢坐喺石仔地度玩。

本來諗住俾佢喺草地坐，感覺好似無咁污糟（其實我都知唔係...），不過阿仔就算喺草地，都要專登爬去石仔地，咁由佢啦，睇實啲咪得囉。

阿仔不知幾咁享受喺石仔地嘅時候，係咁攞啲石地又放低，攞起又放低，玩咗好耐又好開心！

最後呢個遊戲喺我由佢個口中攞番一粒（應該係唯一一粒）石仔之下結束。

之後阿仔就去咗任太姨姨度，我就去咗練歌。

阿仔下晏玩完之後都好攰呀！八點幾就瞓咗，一直瞓到我十點幾去接佢，跟住車佢返屋企，食完支奶又瞓番！

It was a wonderful day! :)