A Koen a day

...

話說今日阿仔去新auntie屋企，初初都已經唔係好對路㗎嘞，一見到我走就喊到儍咗（不過第一日去新環境，係咁㗎啦...）...後來Auntie 十二點左右打電話嚟，話阿仔由我走開始一直喊喊喊到唔收聲，喊到面都紅哂，又唔肯食又唔肯瞓又唔肯玩周圍要搵媽咪，直至啱啱先攰得太緊要瞓咗。

嘩，咁咪喊足兩個鐘咁滯？？

後來Auntie兩點幾又打嚟，話阿仔一起身，發覺都係唔係好對路，跟住又喊過！佢仲係咁爬爬爬去個大門口前面，要等媽咪嚟接佢！！！我聽到之後又覺得好可愛又覺得好可憐。我就同Auntie講，等陣我早啲放工嚟接仔仔啦，希望阿仔可以唔好咁嚇人啦...

到我去到嘅時候，阿仔已經無咁cranky嘞，不過as expected，一見到我就飛身撲埋我度囉。跟住今日返到屋企仔仔都唔係好settle，無端端食食吓奶又喊，我抱抱吓佢又喊，係到後來食咗一陣solid food啲心情先好番啲。但係頭先瞓覺又勁喊啦，然後啱啱瞓咗一個鐘多啲又喊醒，跟住又瞓咗一陣，又喊咗兩聲，可能係發惡夢啦，喊完就無事嘞。

希望仔仔可以快啲適應新Auntie啦！Auntie好關心仔仔㗎！佢就係during the day見阿仔喊得咁勁驚我擔心，所以打咗幾個電話嚟同我報導仔仔嘅狀況！我諗真係要為仔仔多啲禱告先得！