工作，工作，再工作

唔見咗一牌，因為返咗香港。

本來只係探吓屋企人探吓朋友，點知老闆一個急call，將我呢個vacation變成business trip。

做咗啲乜？做訪問囉！

因為電台嘅節目調動，所以本來我哋做咗好多好多年嘅霹啪959星期日夜晚11-12時段，而家一分為二，由今個禮拜起，變成逢星期五下午6:30-7:00，同埋逢星期日下午5:00-5:30播出。

一個變兩個，無理由要我哋啲主持走兩場咁辛苦㗎！所以我哋（其實係喺溫哥華開會嘅佢哋）一班同事決定出一個新節目，以人物訪問為主，將唔同嘅朋友帶入節目入面，讓佢哋分享生活嘅點滴，亦讓聽眾可以對身邊人與事知多啲，希望對生命有所啟發。

呢個就係我哋逢星期五播出嘅全新節目Chit Chat 959嘞！

所以，我喺香港就有一個使命，就係去搵一啲有故事嘅朋友做嘉賓，分享吓唔同事物嘅經驗同埋心得。

我都做咗好多個訪問㗎！當中都可能會搵到大家一啲熟悉嘅聲音，例如CK啦，Terris啦，胡偉恩啦，記住留心聽啦！:)

（另外因為呢牌忙於預備新節目，所以仲未有時間整理相片。遲少少補番！）