今日，我問上帝要一個miracle。
阿仔尋晚只係瞓咗8個鐘，今日我主力湊佢，佢竟然同我完全唔肯瞓nap，攪到我真係人都癲。玩又唔係食又唔係，明知佢眼瞓但係一放上床就大喊加獅吼，最後要老豆出馬，一抱上手十分鐘內自動熄機，跟住nap咗四個鐘！不過呢個「遲來的午睡」成四點先開始，而且by the time佢瞓著，佢阿媽已經早就exhausted，辛苦到情緒完全失控，阿仔一扭我就眼淚流兼黑面，但係對住阿仔又唔敢係佢自到自己唔開心，所以面向佢嘅時候又要强顏歡笑...不過其實小朋友好醒目，就算你個面係笑緊，佢都會sense到你裡面嘅感受而作出相關嘅反應，所以阿仔見到我都係一樣cranky。
夜晚，同老公出街食甜品（真係太辛苦嘞...），跟住返屋企，我求上帝俾仔仔唔駛喊就瞓到。
終於，阿仔只係少少喊，十分鐘以內就收聲瞓咗！
雖然我覺得都係因為我哋俾佢遲咗瞓（十一點幾先上床），搞到佢好攰所以咁快頂唔順瞓咗，不過我知道上帝係聽咗我嘅祈求！
多謝大家為仔仔嘅禱告！:)
Posts
2 comments:
Koen 似乎跟Christopher 一樣, 不喜愛睡覺.
Hope Monday night won't bring too much trouble to him afterward.
係呀，呢個小朋友好似完全唔駛瞓咁。
Monday night was good! :) we had a great time Monday he just fell asleep @ car. :)
Post a Comment