Monday, February 02, 2009
A Koen a day
今日,全屋人都好累,大概可能因為仔仔實在太活躍,朝早7:00醒,之後就唔肯瞓,我喺佢旁邊瞓佢就搞我塊面抆我頭髮...終於後來同佢講少少道理,佢無乜理我,但係我因為真係太累就瞓著咗,後來睜開眼就發現佢終於都瞓咗啦!不過後來到9點零佢又醒咗同埋要搞醒我...唉算啦,都ok啦...但係跟住全日阿仔就係咁行嚟行去行嚟行去...我哋出街2點左右瞓咗一個鐘又醒咗,跟住又繼續行嚟行去行嚟行去...所以今日大約八點左右全家人都好攰啦,包括仔仔。
不過八點俾陳言享上床瞓覺,實在太危險嘞...等陣個仔三點鐘醒哂我真係唔知點算。(我真係好羡慕Matus同Kailey可以咁早就瞓!)所以最後同佢係咁玩,玩到九點羊左右就真係瞓覺覺豬嘞。
我一出佢門口嘅時候,阿仔都有喊㗎,不過到一分鐘之後就無哂聲啦!
可能佢都真係好攰啦!
感謝主!又一個平安嘅晚上!:)
Subscribe to:
Post Comments (Atom)
No comments:
Post a Comment