祐寧堂

啱啱嘅星期日同仔仔去咗灣仔嘅中華傳道會祐寧堂，即係我移民前返嘅教會。

好開心，因為可以見返好多以前嘅老師，哥哥，姐姐，姨姨。

阿仔都好開心呀，佢好鐘意上主日學，又好鐘意個老師（鳳仙姨姨係我以前嘅老師嚟㗎！），仲畫咗呢幅畫㖭！:)

我哋下個星期會再去探佢哋一次，再一次感受兒時教會的味道！

一個宣教士家庭 ﹣一個生命的分享

今日喺嬰兒房，認識到Z。

佢係一位宣教士嘅太太，今日喺崇拜分享嘅宣教士M就係佢嘅先生。

同佢有非常深入亦有意義嘅分享。喺分享當中，我從佢口中親耳聽到一個成日喺講台或書裡面聽到嘅宣教士家庭嘅掙扎。

今次是多麼的真實！

M可以話係第四代嘅宣教士，佢哋將要返Ontario同分會分享，然後會等候並禱告，了解上帝要佢哋去邊個工場服侍。

Z嘅分享，除咗讓我更立體地明白宣教士家庭嘅挑戰之外，亦俾我作為機構同工一個好好嘅反思：別人嘅奉獻，唔係為咗等你有糧出有飯開，佢哋願意奉獻係因為佢哋認同你嘅機構嘅工作，佢哋想睇到嘅，係事工能夠發展，有更多人因為你對事工忠心而得到幫助。

所以，要好好工作，要努力服侍，要做好管家，唔好讓有心支持嘅朋友嘅金錢同埋心意落空。

Z, your family will be in my prayer!

人山人海

夜晚同一位姊妹傾開...

A:嘩，今朝BB房真係好多人呀！早堂成26個大人細路破紀錄呀！

B:係呀，如果仲喺樓上都唔知點算！

A:係啦，我諗樓上榻都似！

B:唔係榻呀，就算上哂去啲人都坐唔到啦！咁迫個個企喺度都無得郁囉...

A:係呀...