A Koen a day

今日有啲新進展。

阿仔因為早咗起身，所以我心諗：不如同佢早餐食solid food吖，咁咪可以學似啲人咁一日食三餐solid food囉！

終於阿仔好聽話咁食咗好多rice with acorn squash！

再食埋支奶，仲瞓咗一個早nap㖭！

跟住午餐佢無食糊仔，但係夜晚又食咗，都唔少㗎！跟住再食多6安士奶，再同我瞓多個夜晚nap！

平時整極都唔得，一日通常得一個nap㗎咋！

頭先瞓完nap都係勁攰，玩咗一陣，十點同佢瞓，雖然唔係食食吓奶瞓著，不過之後就自己瞓著咗。

咁仲好啦！唔駛我担心佢唔得點樣自己瞓！:)

不過真係希望如果繼續俾佢早餐食solid food，阿仔可以繼續咁乖...你知啦，有時唔係話你咁做個細路就一定係咁反應㗎嘛...

生活「燒」品

話說，今日約咗簡牧師同黃氏一家食lunch，去咗我哋近牌嘅飛乏生活小品。啲嘢食同個地方真係好正㗎！我哋又多咗個食堂啦！

不過，食飯途中發生咗一啲小意外，就係當我唔覺意放咗件褸喺佢張矮枱一陣之後，攞番起就發覺件衫燒穿咗個大窿！

原來張枱上面有盞燈level with張枱嘅，但係係嗰種用勁熱射燈燈胆嘅燈，所以一放件褸上去，無幾耐就熔咗！

好在件褸超平，我都無咁肉痛。

佢哋後來都俾咗九折我哋張單，仲俾咗VIP咭俾我哋三個家庭㖭。

算佢哋識做啦！

味千拉麵

呢牌牙痛，所以無心機煮飯。尋晚就同老公阿仔去咗百家店嘅味千拉麵嘞。

啲食物都ok啦，不過最surprise我哋嘅，就係呢間舖頭除咗門口同店內放咗好多「號角」報紙同「中信」雜誌之外，電視仲播緊「恩雨之聲」，而牆上面仲掛住「主禱文」㖭！

咁...即係基督徒開嘅？

好呀！咁唔知可唔可以擺啲使者嘅「新一代」喺度呢？:)



呢個好食呀！:)


腫面的我：