神探享享（二）

上一次神探享享出招，你幫yiya搵番條鎖匙。

差唔多成個月前，我家姐已經問我見唔見佢條杏色褲，因為佢洗完之後幾個禮拜都唔見條褲。我又同佢搵哂我啲衫，都係無喎。

上兩個禮拜，我家姐靈機一觸，走去問仔仔：「享享呀，你知唔知我條杏色褲去咗邊呀？」

只見享享諗咗一陣，就走咗去家姐房一個平時唔用嘅衣櫃度。

原來條褲就係擺咗喺呢個櫃入面！

神探享享又破案啦！

p.s. 近牌有個朋友唔見咗銀包，我已經問咗仔仔知唔知個銀包去咗邊㗎啦！我問咗佢兩日，跟住佢諗咗一陣同我講「爺爺」... 唔知會唔會幫到我朋友搵番個銀包呢？:)