The unplanned trip

家姐好早已經想請假同仔仔同媽媽同我一齊去玩吓（即係唔係星期六日去買餸嗰隻），所以專登請咗今日假一齊去玩。

本來個plan係咁嘅：如果天氣好就去捉蟹，或者去睇tulips。

但係所有tulip場已經喺尋日關門for the year嘞。

跟住又天陰陰喎。

係呀，我哋係無認真諗過如果天氣唔好可以點㗎。

終於，我哋就諗：不如去MapleWood Farm啦！仔仔可以接觸吓小動物，摸吓羊咩唧吓牛奶咁。

無喎，我哋無覺得因為有H1N1所以唔應該去農場喎。

不過，當架車仲有三分鐘去到MapleWood Farm嘅時候，阿仔就瞓著咗嘞。

咁又係，都係時候瞓nap 㗎嘞...

終於，諗住搵條highway飛吓。咁就腳，就飛highway 1啦。

飛到Squamish，仔仔就醒咗嘞。咁點呢？繼續向前行去Whistler，定係回頭去Farm呢？

媽媽話：「橫掂都入到嚟，唔好嘥啦去埋Whistler囉！」

都好，如果今次唔去可能好耐都無機會去㗎啦！

就係咁，我哋就浩浩蕩蕩咁入咗Whistler嘞。


















好在本來諗住預備一件厚褸一件薄褸俾仔仔，驚佢喺Farm會太熱太涼，入到Whistler涼風剌骨，要同佢兩件褸都著哂，成個波咁走嚟走去...


雖然喺Whistler只係玩吓滑梯行吓樓梯睇吓雀雀又睇吓哥哥仔玩跟住笑笑笑，不過阿仔同我哋都玩得好開心。

回程阿仔更鮮有地瞓咗第二個nap...不過瞓瞓吓發惡夢喊醒咗...邊個叫佢玩到儍哂呢！

We really enjoy this unplanned trip! :)