剝蛋殼

前幾個禮拜嘅事嚟㗎嘞，只係一路唔記得blog啫...

嗰日餵完阿仔，同平時一樣我哋通常會俾多隻蛋佢食。嗰日我心血來潮，因為又要去攞啲嘢，又想俾仔仔試吓玩，所以就將隻打開咗少少殼嘅蛋就咁攞低咗俾仔仔。到我返嚟嘅時候，我已經見到佢喺度食緊隻蛋嘞！

我問一問喺度洗緊嘢嘅媽媽係咪佢幫仔仔整開啲蛋殼，佢睇一睇先發現原來阿仔喺度食緊蛋！咁即係佢自己整㗎啦！

真係唔好睇小細路仔可以做嘅嘢！

（佢而家已經好少開蛋啦，佢會好心急連啲蛋白都搣埋！）