叻仔！

前幾日，嫲嫲同阿仔例行去對面嘅商場玩，去到唔知麥記定係KFC坐低，就有兩個洋人同阿仔玩，又話佢得意又同佢傾計。平時阿仔一定會同人玩㗎嘛（仲要係洋妞喎！），但係今次佢就全程背住佢哋兩個，無論佢哋點𢭃仔仔都無反應。

嫲嫲梗係唔明點解啦，但係後來睇清楚，就見到呢兩個識講廣東話嘅西人女人原來係耶証嘅人，佢哋係想同嫲嫲講信仰，後來仲俾埋單張㖭！不過嫲嫲一講「我哋係基督徒呀」之後，佢哋就即刻攞嘢走人嘞。阿仔到走都無望過呢兩個人一眼呀！

上帝真係喺仔仔嘅心裡面㗎！多謝天父保守仔仔嘅心！:)　希望佢繼續緊緊跟隨主，單單聽天父嘅聲音！