實在係太耐嘞...

實在係太耐無上嚟update嘞...

不過呢，當我去到其他人嘅blog睇嘅時候，我發現寫blog有一個好大嘅弊病。

就係如果啲人自己對某啲事情好有興趣嘅話，會容易有話題寫好多。

好似我嘅好朋友阿Long啦，阿榮啦，阿我老細啦，阿羅牧師啦...全部啲blog 都好好睇㗎喎！因為佢哋都係啲...點講呢...都係啲對一啲嘢好有興趣嘅人。

唔係大家弊，係我有啲弊啫...我只能夠講句，我個人實在太悶蛋嘞，都無啲乜嘢特別嘅嗜好，所以搞到真係寫寫吓都唔知可以寫啲乜。

其實我同我相公都係半斤八兩。佢都係啲成日忙到無時間建立個人興趣嘅人。可能我哋嘅共同興趣就係每四年先一之嘅世界杯：話哂都係4年先要追一次啫，唔駛成日睇咁麻煩嘛。:)

不過，阿B唔知會唔會都係悶蛋一名，無乜嗜好呢？