前嗰排係咁發夢，成日話要寫低但係又唔記得... 依家寫番一個先：

話說喺夢裡面，我同阿媽同家姐係同一間學校（中學）返學嘅。Somehow我哋喺天台操場放lunch/小息嘅時候有個男仔想同我哋搭訕，咁我哋三個就梗係唔啋佢啦。我哋跟住就走落班房諗住飛開佢，點知佢仲跟住嚟喎...咁我一路落樓梯嘅時候就話：「呀，我個班房係呢層㗎！」，咁就走咗去其中一層嘞。我初初向右轉，諗住引開嗰個人，點知我其實應該係轉左嘅。右面係Form 2嘅房，而我就係讀F.3G嘅。所以就好醜樣咁掉頭轉番左嘞，不過個人都無再跟住嚟嘞。

講完嘞。

點解會記得咁清楚？我唔知呀，不過我肯定，如果我依家唔寫低嘅話，我好快就會唔記得㗎嘞...