我好大個仔啦!

Lilypie - Personal pictureLilypie Fourth Birthday tickers

Tuesday, September 04, 2007

多謝關心! :)

多謝大家嘅關心,好多朋友都俾咗好多點樣令阿仔唔喊嘅方法俾我,我都試咗一啲,不過就有work有唔work啦。我尋晚走去攞咗老公一件好有「男人味」嘅衫嚟著(you know what I mean...),跟住先抱阿仔,但係佢都係喊到儍咗...不過我覺得真係好睇個B自己受唔受嗰種方法嘅,唔逼得。

尋晚,我以虛脫嘅身軀去等餵奶,咁梗係瞓住嚟等啦...點知一打開眼,心諗:「點解我會瞓得咁舒服嘅呢?」再睇吓個鐘,吓?成凌晨5點㗎嗱?點解我唔駛餵嘅?點解我好似乜都無做過咁嘅?仲有,阿B係瞓喺BB床㗎喎!點解唔駛同我瞓都瞓得咁好嘅?我係咪發夢啊?...

跟往我睇一睇張餵奶record sheet,先發現原來尋晚老公已經用咗之前pump出嚟嘅人奶,同埋Formula餵咗阿仔兩餐,而我就乜都唔知喺度瞓咗一覺好長嘅!所以跟住我就可以好舒服咁接更,走去餵朝頭早7:00嗰一次嘞。:)

多謝老公!:)

By the way,我朝頭早餵完阿仔之後,擺佢上床瞓覺,佢竟然無掙扎無喊就瞓咗!一直到而家(11:00am)都仲瞓得好好!

多謝大家禱告嘅支持!:)

唔,都係時候要摷醒阿仔食mum mum 嘞...

1 comment:

Rev. X said...

May May,希望 Keeley 的點點提意對你們有幫助!努力啊!
Keep praying for your family!