西瓜好好食！:)

夏日炎炎，無嘢好得過消暑食西瓜！

因為仔仔超愛食西瓜，所以今年我哋買西瓜嘅總數多過我哋上年同埋前年加埋咁多！（咁舊年阿仔又細，前年我又拕住阿仔要戒口吖嘛...）

今年開始買西瓜嘅時候，我哋好努力去揀啲靚嘅西瓜，又拍過要彈手，又要深色，又要pat pat細，總之就係出盡智慧為求搵到又紅又甜嘅靚西瓜...點知我哋越努力搵，個瓜就越淡色越唔甜！認真激死人！終於我哋開始作放棄狀態，每次買西瓜都叫阿仔揀，佢話要邊個就邊個！我哋心諗，其實邊個都無所謂啦，無論阿仔點揀，都唔會差得過我哋揀嗰兩個㗎啦！

原來又真係得㗎喎！So far 次次阿仔揀嘅西瓜，都係又甜又多汁又薄皮㗎喎！真係次次掂，從未失手㗎！

睇吓我哋食得幾開心！:)

氹氹轉

仔仔Version:

原裝：

點解「阿媽帶我睇龍船」會變咗「阿媽跌咗錢」？我都好想知...

仔仔的龍椅

本來唔覺得需要一張咁嘅椅俾仔仔，因為諗住佢一大個咗唔啱坐就會好徙...不過因為伍太姨姨屋企有，阿仔又好enjoy坐嗰張椅，所以都好啦，俾佢玩吓啦。

仔仔好開心㗎！而家會得閒坐吓張龍椅睇吓嘢，我有時又會用佢做枕頭...　都唔錯吖！:D

粉紅鞋子

阿仔好鐘意我呢對粉紅色嘅靴㗎！:) 不過實在太重，要我扶住佢先識得郁。

我發現阿仔對粉紅色啦，Hello Kitty啦，Barbie啦，首飾啦都有好大嘅興趣... 唔知我係咪應該俾啲Man啲嘅嘢俾佢玩呢？（定係我唔應該著粉紅色嘅鞋呢？）

阿仔第一次收花

今日係清明節，我哋一家人去掃墓前去咗一間鋪頭賣花。嗰度有個姐姐喺度插緊啲花賣。我其實只係諗住俾阿仔睇吓姐姐插花㗎啫，不過個姐姐好好人，送咗一朵好靚嘅菊花俾仔仔！:)

阿仔第一次有女仔送花俾佢呀！佢好珍惜朵花呀，成程車都攞住朵花花。就算返到屋企我哋插起咗支花，佢都會得閒走去摸吓朵花，同埋講「姐姐，姐姐」咁㗎！

無計啦，話哂都係呢世人第一次收花，係妗貴啲㗎啦！:)

努力呀爸爸！

O-baba

大力士陳言享

同場加映：汪汪攝石貓

"A Koen a day" 睇真啲

平時同阿仔影 A Koen a day 之前，就係咁㗎嘞...

Dancing King

Let's spin and spin and spin and spin....

阿仔

一邊寫blog，一邊聽到阿仔不時有啲喊聲...把聲仲好淒涼㖭！

只好禱告求主保守佢平安。希望只係因為佢今日去拜年玩得太激，發惡夢而已...

Nothing

well, nothing, I just think Koen look so handsome in this pic I want to post it up here. :)

頭大身細我愛你！

我唔排除影相嘅角度會造成某程度上嘅illusion，不過我個仔頭大身細嘅情況確實係幾厲害。

唔怪之得佢遲遲都未識行啦...

瞓咗啦！

終於喺喊咗成個鐘之後就瞓咗啦！

我都知道佢會唔習慣新環境嘅，今晚就好似嗰陣時要train佢唔靠媽咪奶奶瞓覺一樣！不過阿仔嗰陣嘅喊聲細啲，今次就喊得短啲...

感謝天父！:)

Koen專業電腦維修服務中心

弊，hang機㖭...


個hardrive 唔郁嘅？


仲俾人發現㖭！點算？


咁... 等我諗諗先...


...


...


...




er，咁樣會唔會郁得番呢？


再轉個角度先...


都係唔得喎，死啦，點算點算點算...


咁，唯有出最後一招啦...












動手唔得，等我嚟動口啦！

媽媽夢髮廊 Mama Dream Salon

啱啱星期六，又同仔仔剪頭髮。

當然又係喺佢瞓緊嘅時候啦。

今次直頭同佢剷咗個後尾枕嘅頭髮㖭，剩番頭頂嘅頭髮，而家成個清爽哂！

阿仔已經（差唔多）預備好返香港啦！好嘢！ :)

阿仔動作巡禮

呢啲就係阿仔而家識跟住指示做嘅動作嘞：

其實佢仲識掩耳仔㗎，同埋識講「得」同埋其他說話，不過下次再catch up 啦！:)

仔仔生日快樂！

還記得舊年8月20號晚，挻住個大肚的我陣痛開始進入最後階段，由十點半一直到朝頭早四點幾五點嘅生產過程，一直到仔仔出世之後所有痛楚完全拋到腦後：到今日，已經係整整一年了。

不能不說一句：時間過得真係快...

今年阿仔BIG ONE生日，同婆婆大姨媽去咗金如意（因為我有coupon from SQ...），食咗餐勁嘅！

之後仲有蛋糕食㖭！:)

一個好standard，但係好開心嘅牛一！我覺得佢生日我仲開心過自己生日！

生日快樂呀仔！希望你每日都懂得享受上帝俾你嘅一切！:)

唔捨得...

聽日開始，仔仔就會放咗去任太屋企凑，即係話佢唔會再喺Office嘈之巴閉，亦即係話我哋唔會再同佢一齊玩嘞。

有啲唔捨得...

(btw，多謝榮叔叔同仔仔影嘅靚相！:) )

爬爬企企陳言享

而家阿仔爬得好叻㗎！除咗可以由房一邊爬到另外一邊，跟住企喺身之外，尋日仲識得自己由遊戲室爬出房去到廳搵我哋㖭！我哋無教過佢㗎喎！:O



叻仔！:)