非常矛盾。
阿仔今日「在我最附近的遙遠」，因為我今日啲appointment多到暈，所以必須阿女完全照顧住仔仔，我就學習完全放手，無論阿仔點喊點扭點都好，我都唔可以抱，連見都唔可以見，因為如果唔係佢一定會再喊多幾成！
所以，今日陳言享為使者做咗一整日「人肉警報器」，見唔到阿媽咁耐就喊足咁耐，兩個鐘後太攰瞓咗，起身見唔到我又再喊兩三個鐘。
我由初初嘅好唔忍心，到後來唔係好feel到佢喊，到最後阿仔唔再喊，仲同契姐姐玩到笑哂啦。
其實我係好開心嘅，因為仔仔終於可以唔駛剩係跟住我嘞，但係又無形地覺得仔仔好似同我無咁親近咁。
不過其實呢個想法十分多餘，因為之後阿仔見到我，又好似糖黐豆咁黐住我嘞。
所以阿仔你要叻仔呀！希望你越來越適應要同媽媽分開嘅時間啦！:)
Posts
No comments:
Post a Comment