小鞋子

有啲朋友都知道我以前喺兒童鞋鋪做過一段頗長嘅時間。因為接觸得多，所以對細路仔嘅腳部發展同埋小朋友鞋都有啲研究。

不過阿仔嘅第一對（同埋第二對）鞋，其實都唔係我買俾佢嘅。

講起都覺得奇怪，呢兩對BB鞋係幾年前，即係阿仔有耐都未出世同埋出現之前，喺香港嘅奶奶嘅朋友送俾佢嘅。佢哋話聽聞佢就快抱孫喎，所以就送兩對鞋仔俾個小朋友囉。

？？？

竟然收風快到個B未出現就恭喜定先？

不過都好多謝佢哋！而家阿仔成日都著㗎，對鞋仲就快唔啱著啦！

無所謂啦，咪留番第時俾細佬佬或者妹妹著囉！:)阿仔又可以著新鞋啦！

仔細

奶奶臨返香港之前，除咗預備咗好多好多嘢俾我哋食之外，仲寫低張Notes教我點處理啲莧菜：




係呀！整完之後記住要食呀！

奶奶六十大壽之喜！

奶奶同老爺今次嚟溫哥華，除咗睇個孫之外，仲可以俾我哋同佢慶祝六十大壽㖭！雖然言享咁細個，我哋唔可以出街食餐好嘅，不過老公都Manage到去偷運個蛋糕返嚟，俾媽咪一個surprise!







多謝你哋愛嘅付出！我同Jimmy真係覺得好溫暖！ :)