「以及其他豐富獎品」

今日係慶功筵，終於知道得到乜嘢禮物啦！

多謝哂！:)

多謝！

實在係一個不可多得嘅經驗！

好多謝好多謝好多謝每一位朋友嘅支持！

當然，我有諗過自己會贏，但係當我再聽其他歌多一啲，就更覺得其他歌好聽，亦覺得佢哋應該攞獎。

Totally unexpected!

比賽中，我哋可以分享到好多嘅歡樂，希望未來可以有機會分享到更多！

It was such a wonderful experience!! :) :) :)

最後準備

仲有半個鐘先瞓得...

聽朝要飲「苦丁茶」，清吓喉嚨，應該會唱得好啲！:)

多謝各位朋友嘅支持！我同Jimmy都會努力㗎啦！:)

記招#2

今次我哋只係做佈景。

聽日就係比賽啦！真係有啲不可思議...希望一切都順利，for His glory! :)

最重要係希望阿仔生生性性，我媽咪終於決定唔去捧我場，留喺屋企幫我睇住陳言享。但係阿仔就會由晏晝一點幾到夜晚十一點幾都見唔到我！真係唔知會有乜事發生...

請大家為阿仔祈禱啦！希望佢喺我媽咪度可以ok，唔好扭計搞到我媽咪拕拕擰！

聽到...聽不到...

我們今天去了Cambie圖書館，然後去了附近的公園玩。

先到了圖書館還書，然後看見playroom 很多玩具，心想：不如跟仔仔玩一會兒，到二時十五分左右上車，便可以準時二時二十五分聽到自己的訪問了。

誰知剛要回到車的時候，母親打電話來：

「喂，頭先我開收音機嘅時候播緊你個訪問喎！而家播完啦！」

WHAT??????????????????????????

因為今天是電視電台籌款日，所以所有電台節目均有特別的調動。

包括提早播出歌創創作人訪問特輯。

OH NO!!!!!!!!!!!!!!!!!!!!!!!!!

失望地想：聽不到便算吧，唯有遲些間電台拿一個copy便是了。

跟仔仔去公園玩，那公園很新很美呀！媽媽很享受在這麼有形格的公園內與仔仔玩，而仔仔也很樂意在各種不同的韆鞦之間蕩來蕩去。

回到車，約三時半。心想，電台曾告訴我國語的訪問大約在四時半播出。現在開始聽，一定聽得到了吧！

就在開車的一煞，突然在收音機聽到自己的聲音！

不是四時多才播嗎？

Well, at least I've got part of it... :)

很特別的發現

近期聽到的流行曲，無獨有偶都使用非常接近的題材：

時候尚早
作曲：藍奕邦
填詞：藍奕邦
編曲：Adam Lee
監製：陳德健．李漢金．藍奕邦

歌詞

何解我未曾問　已跟我講你懂
何解你所有口吻　極其像個老頑童
而你不過廿來歲　無法可將一切看通

對所有事情漸忘掉衝動
談起你未來亦滿臉愁容
越去估計前途　偏偏越會幻想起暗湧

但秒針仍在跳　光陰也未窮
凡事也自有它答案　這刻不要碰

＊可知道　時候尚早
前面尚有幾多的起伏　佈滿你一生旅途　很多個未知數
行前兩步你便看到　一切總會有分數
時候尚早　讓老天替你一一安排　並未願知得太早
誰預先打小報告　快掩耳　當聽不到
(緩緩地跟青春跳舞　這一剎　人還未老)

人生裡總有幾對手去等你拖
人生裡問題逐條逐條地一一探索
活到七老八十歲　還有很多未曾尋獲

考究深奧的存在意義
何不試一試逐一的去試
亂去偷看結局　多糟蹋揭曉的真意思

若你心仍在跳　不需當先知
就趁有幸去生存時　你即管放肆

REPEAT＊

可知道　時候尚早
前面尚有幾多的起伏　佈滿你一　很多個未知數
行前兩步你便看　一切總會有分數
時候尚早　學會將冀盼拋出窗外　便是最好的法寶
誰預先打小報　答　我不知道

陽光雨
作曲：陳光榮
填詞：馮曦妤 (Fiona Fung)

Woo… Woo… Woo… Woo… Woo… Woo… Woo…
風雨總會停　亂世變太平　有我共你一起見證

都不緊要　跌碰總少不了　要　看開些少
不快要大叫　樂共苦差很少　扭轉兩者只需數秒

新聞　又報導誰輕生　誰沒信心　困境之中鬥爭
若放棄當個人　真　的太笨　怎可作不必要犧牲

走得過癮　剩低幾個傷心　如若你肯　似金剛般變身
面對滿天責任　打不死摔不跌踩不沉　重拾你　身份

Woo… Woo… Woo… Woo… Woo…Woo…
風雨總會停　亂世變太平　擔心太多影響致興

新聞　又報導誰輕生　誰沒信心　困境之中鬥爭
若放棄當個人　真的太笨　怎可作不必要犧牲

走得過癮　剩低幾個傷心　如若你肯　似金剛般變身
面對滿天責任　打不死摔不跌踩不沉　重拾你　身份

Woo… Woo… Woo… Woo… Woo…Woo…
風雨總會停　亂世變太平　有我共你一起見證

Woo… Woo… Woo… Woo… Woo… Woo… Woo…
This is noting strange　I can spread my wings…for you

路一直都在 - 陳奕迅
作曲：Adrian Fu
填詞：吳向飛
編曲：Mac Chew
監製：Jim Lee

穿過人潮雙眼燈火欄柵　沒有想過回頭
一段又一段走不完的旅程　甚麼時候能走完

噢　我的　夢代表甚麼　又是甚麼讓我們不安

That’s just life　尋找夢裡的未來
That’s just life　少點現實的無奈

不論風吹的時候 不再傍徨的時候
永遠向前　路一直都在

穿過一塊裡面一片黑暗　沒有想過回頭　
一段又一段走不完的旅程　甚麼時候能習慣

噢　我的　夢代表甚麼　又是甚麼讓我們期盼

That’s just life　尋找夢裡的未來
That’s just life　少點現實的無奈

不論風吹的時候　不在傍徨的時候
永遠向前　路一直都在

看不清的路又算甚麼　看不清的夢又算甚麼
就算走到盡頭又能算甚麼　能算甚麼

That’s just life　尋找夢裡的未來
That’s just life　少點現實的無奈

不論風吹的時候　不再傍徨的時候
永遠向前　路一直都在

That’s just life　徘徊到不再徘徊
That’s just life　從來都不怕重來

沒有選擇的時候　無論選擇的時候
永遠向前　路一直都在

仲有呢隻
(For lyrics: http://www.am1470.com/event/sq13/stage2/ch/votesong.php)

Dairy Queen

中午同弟兄姊妹食完午餐之後，返咗Richmond諗住有少少慶祝母親節嘅時間。終於我suggest去Dairy Queen食雪糕。其實無所謂嘅，都係想大家開開心心食啲甜品啫，一家人一齊去邊度都ok啦！:)

去到Dairy Queen，買咗嘢食，跟住老公就用眼神同我講，叫我望吓後面；我一望，見到一位先生，著住件「加拿大中文電台」嘅背心喎！

wooooo....

以下係我哋睇到呢位先生之後嘅對白：

J: 喂，你有無聽今屆歌創啲歌呀？我覺得8號「想得太多」好好聽喎！

M:（無聲地狂笑5秒後）我就鐘意1號「瘋火」嘞，好正呀！

（兩個一齊無聲狂笑5秒）

J:唔係呀，8號真係好好呀，啲詞又好好啦！

（頂唔順又笑3秒）

J:聽完都係8號「想得太多」正啲！

（兩個人勁笑，我直頭笑到標哂眼水完全搭唔到口）

講吓講吓，只見後面位先生靜悄悄地行開咗，而佢係一路陰陰咀笑住行咗去嘅。

所以肯定佢聽到我哋講嘢啦！

哈哈哈哈哈哈哈哈... :D :D :D :D :D :D :D

第十三屆加拿大中文歌曲創作大賽

A: 喂，阿May同Jimmy入咗圍喎！

B: 係呀！好開心呀佢哋！

A: 咁佢哋實勁喺個blog度講啦，仲要一人一個blog，我睇Jimmy終於會寫佢第二個blog post啦啩！

B: 唔係喎，電台唔俾佢哋喺啲public嘅地方講自己隻歌，同埋叫人去投佢哋票㗎！

A: 點解呀？

B: 咁對其他參賽者唔公平吖嘛，大佬你一group五個人一人一個blog咁宣傳，人哋無blog或者website嗰啲咪好唔著數？

A: ...係啫，但係佢哋兩隻歌都好正喎，咁唔可以喺自己個blog度叫人投票俾自己咪好唔抵？

B: 都唔係嘅，電台剩係唔俾佢哋喺自己個blog或者website度宣傳啫，咁無話唔俾佢哋啲朋友幫佢哋宣傳吖嘛！

A: 咁即係如果佢嘅朋友好鐘意隻歌，又想同Jimmy同阿May宣傳嘅話，都可以喺佢哋個blog度大講特講啦𡃓！

B: 係㗎！用其他方法都得㗎！Send email 打電話寄信派傳單都得㗎！

A: 哦...

錄音

啱啱星期四去咗Mark One錄音，因為之前嘅demo唔夠好，所以要錄個good copy，用嚟俾評判聽，以及在電台播。

Raymond真係非常專業！我無論唱到有少少高咗低咗拍子唔啱尾音唔對，佢都可以pick出嚟，然後幫我逐句聽逐句錄。

好好玩㗎！我今次真係有少少感受到做歌聲錄音嘅滋味！當然啦，我只係錄一隻短短三分鐘嘅歌，如果係真係出碟嘅歌手，佢哋嘅功夫就比我多好多啦。

不過唔好話，我咁樣執都執咗足足兩個幾鐘頭！我唱完都已經好肚餓，但係佢哋仲要繼續同下一位contestant錄音，真係唔簡單！

今次錄音俾我嘅感覺好好，而且因為我知道自已係under good hand，所以我唔需要為final product擔心。我知道Raymond自然會幫我整到一隻好好聽嘅歌出嚟！:)

五月頭啦！有得聽㗎啦！:)

"Some exciting things"

你往年有留意嗎？

無呀？咁你今年真係要留心吓啦，因為今年起碼有兩首好正嘅歌呀！哈哈！:D :D

官方網頁