多謝老公！

人生第二次越洋收花（第一次係啱啱過咗嘅情人節，送花者都係呢個）

多謝哂老公！That was so sweet! :)

努力呀爸爸！

On his way

老公尋日下午已經飛咗返香港啦。

時間緊逼到唔可以再緊逼，不過我知道老公有好多嘢要交帶，唔搞掂唔走得。

所以今次我無um佢。

一直我都仲好冷靜，直到我揸車離開緊機場，佢打電話俾我話可以上到飛機，我就突然間好唔捨得。

不過，我知道係好嘅開始，所以流出來嘅眼淚都係感恩嘅眼淚。

希望上帝繼續帶領老公嘅前路，亦幫助我嚟緊各方面嘅適應。

多謝大家的愛！

尋日，老公分別喺教會三堂崇拜同埋霹啪959分享佢要返香港讀神學嘅見證。

崇拜之後，有弟兄姊姐過來分別同我哋擁抱。又有弟兄姊妹請我哋食飯呢！（唔只Mr. Cho 㗎！不過剩係得同佢影嘅相，同埋最後佢等我哋等得太耐剩係霸完位就要返教會開會！真係唔好意思！)

大家都好唔捨得。

好多謝大家嘅支持！我哋仲會繼續需要大家各方面嘅支持！特別當老公返咗香港，我同仔仔喺呢邊半年嘅時間，有好多事情需要我take care，都唔會容易。另外老公喺香港讀書，都好需要人嘅支持同鼓勵。老公好需要同行者。

希望大家可以繼續為我哋禱告啦！Will update you with our latest news! :)

daddy...

自星期四開始，老公就去咗多倫多，本來諗住應該ok，但係原來都無我想像中咁ok...



今晚瞓覺，阿仔無再喊住嗌爹爹啦，不過呢個小朋友真係好掛住daddy呀！

我們的第一個父親節

今日嘅慶祝，就係陪我去麗晶唱歌仔：


跟住返屋企瞓覺，再食個任食宵夜：



到仔仔瞓咗，「驚喜蛋糕」就出場啦！:)


（呢啲相係之後嗰日同仔仔一齊影嘅...）



希望大家都有個開心嘅父親節！:)

amazing...

今日老公放假，本來我諗住都係凑埋阿仔返工，但係老公話：「你俾我凑吓啦，都要試吓俾佢離開吓你跟吓我㗎啦...」

咁又係喎...

所以雖然無乜信心，但係都即管試吓啦，就算唔掂都係半日啫，老公下晏要返教會做啲嘢，橫掂到時都會俾番我㗎啦。

就算半日都唔掂，我都係好近啫。

During the day 打電話俾老公，一直都無人聽電話...

到差唔多3點，老公打電話俾我，話俾我聽，佢竟然帶住阿仔去咗剪頭髮，仲要染埋頭髮，阿仔都異常合作，又肯食又肯瞓喎！

嘩！真係神蹟呀！猶記得上次阿仔同老公「兩枝公」嘅時候，阿仔喊到微絲血管爆哂，成面紅粒粒，見番我嘅時候就算虛脫都仲要喊！嗰個樣真係嚇到我儍咗（不過阿仔好快就無哂事嘞，所以唔駛擔心...）...

所以今次咁乖，你話係唔係神蹟呀！

我相信呢份係天父俾我老公嘅父親節禮物！:)

"Some exciting things"

你往年有留意嗎？

無呀？咁你今年真係要留心吓啦，因為今年起碼有兩首好正嘅歌呀！哈哈！:D :D

官方網頁

病

今次唔係只係阿仔病，我哋全家人都有事嘞...

前兩日老公發燒，跟住腸胃唔舒服。

尋日輪到我發燒，跟住又嘔又痾。

都應該係感冒菌入腸胃㗎啦。

老公食咗Nyquill，我就食咗Cold FX，加埋我尋晚浸咗個熱水涼，又焗咗一身汗，而家好番好多啦！

希望真係好番，同埋唔好再病啦！因為嚟緊會有好多exciting嘅事情發生呀... :) :) :)

btw，阿仔而家無哂事啦！全屋最精神係佢！:)

新年快樂！

老豆同仔仔特別想喺度同香港嘅嫲嫲爺爺拜年啊！:)


祝大家新年更蒙福！:)

紅噹噹，父子檔

新正頭（其實聽日先係），家中兩位男士已經急不及待要以紅噹噹見人啦！

仔仔嘅衫仔同帽仔都係婆婆織㗎！頂帽仲係有條辮喺後面嘅㖭！:)

希望星期日可以見到教會嘅哥哥姐姐妹妹仔，可以影吓相過新年啦！:)

Are you ready? (2)

阿仔連老豆食麵飲水都唔放過:

Are you ready?

阿仔對食物嘅興趣越來越大：



陳言享阿陳言享，你識坐又夠六個月，媽咪就會俾你食糊仔㗎啦！:)

小王子etc. gathering

啱啱過咗嘅禮拜日，我哋去咗Jimmy嘅舊同事Perry屋企玩，除咗探Perry，Yvonne，Janice（林恩），Micah（林謙）一家人之外，仲有另外兩位同事Philip同埋未婚妻Joanne。嗰晚玩得好開心！多謝哂Perry同Yvonne嘅款待！:)

呢晚都有好多highlight㗎，其一就係用咗全晚去一齊做運動 ﹣玩Wii嘞：


另外就係我哋兩位小王子Koen同Micah嘅再遇嘞。佢哋兩個月前左右見過一次，今次再見面，兩個都大個仔咗好多啦！




仲有一樣今我好佩服嘅事情，就係零晨十二點幾嘅時候，Yvonne有位教會嘅朋友嚟咗探佢哋。初時我諗：嘩，咁夜仲約埋傾計？好勁啫！但係原來兩位媽咪係約埋一齊由Coquitlam去西溫shopping！佢哋趁呢日係midnight shopping嘅最後一晚，所以就等自己嘅BB瞓哂，就兩個人浩浩蕩蕩走去買嘢！買乜嘢？梗係買尿片啦！

真係不得不讚嘆佢哋嘅創意同勇氣！好嘢！

Koen的第一個聖誕派對

啱啱個星期日，老公嘅公司喺Downtown有一個專為小朋友而設嘅pre聖誕party，以前都無留心，不過今年有咗阿仔，梗係唔同啦。朝頭早返完崇拜，我哋就從Port Moody一路揸車到downtown，去阿仔第一個聖誕Party嘞。

啱啱呢個星期亦係出名嘅Rogers pre-Christmas parade，我哋到嘅時候，已經有好多人坐哂喺路邊，雖然仲有3個鐘頭先開始。不過都已經人頭湧湧，好熱鬧喇！:)





呢個pre聖誕 Party真係好多嘢玩（對小朋友嚟講），又有得整聖誕手工，又有得整薑餅，又有波波池，又有氣球公仔，當然唔少得同聖誕老人影相啦！

阿仔由頭瞓到尾，因為唔想嘈醒佢，所以無上台同聖誕老人一齊影相呀...




去完個Party，個花車遊行啱啱開始！咁我哋就可以順便睇埋㖭！:)





其實嚟咗加拿大咁多年，我哋都無睇過呢個花車遊行㗎！今次真係一個好難得嘅機會！ :)

How sweet! :)

手指指

呢牌，老公不斷教阿仔揸拳頭要攞隻手指公出嚟，話驚隻手指公血液遁環唔好喎。



阿仔都算係咁㗎啦，雖然唔係次次都做到，不過爸爸叫佢伸手出嚟做呢個動作，佢差唔多次次都做俾老豆睇㗎！:)



兩個幾月，都算係咁啦！:)

老豆餵奶

都似模似樣㗎！