西瓜好好食！:)

夏日炎炎，無嘢好得過消暑食西瓜！

因為仔仔超愛食西瓜，所以今年我哋買西瓜嘅總數多過我哋上年同埋前年加埋咁多！（咁舊年阿仔又細，前年我又拕住阿仔要戒口吖嘛...）

今年開始買西瓜嘅時候，我哋好努力去揀啲靚嘅西瓜，又拍過要彈手，又要深色，又要pat pat細，總之就係出盡智慧為求搵到又紅又甜嘅靚西瓜...點知我哋越努力搵，個瓜就越淡色越唔甜！認真激死人！終於我哋開始作放棄狀態，每次買西瓜都叫阿仔揀，佢話要邊個就邊個！我哋心諗，其實邊個都無所謂啦，無論阿仔點揀，都唔會差得過我哋揀嗰兩個㗎啦！

原來又真係得㗎喎！So far 次次阿仔揀嘅西瓜，都係又甜又多汁又薄皮㗎喎！真係次次掂，從未失手㗎！

睇吓我哋食得幾開心！:)