Please pray...

尋晚開始，阿仔唔知點解無端端發燒，到頭先仲燒到104度㖭！（我啱啱同佢食咗Tylenol跟住度體溫就咁熱，但係過咗一陣又好似低番）佢又無其他病嘅症狀，只係好攰好黐身...可能只係長骨節㗎啫，不過都係好擔心...

請大家幫手為Koen禱告吖！Thanks so much!

desperate 生果王

阿仔已經好耐好耐（三個禮拜都有）無食過生果啦，因為驚佢會咳得嚴重咗，所以一路都唔敢俾佢食。

前幾日，俾佢發現我哋切蘋果，心諗：「唔食得成個蘋果啫，俾個蘋果芯俾佢「蒜」都得呱...」

終於，一共俾咗兩個蘋果芯仔仔，佢同我哋食剩咁多多。

係呀，佢連核同我哋食咗個半蘋果芯呀！

希望仔仔快啲好番哂啦，　如果唔係我驚佢連蕉皮都同我哋食埋呀...

新玩具

我與新玩具的第一張合照：



新玩具的自拍照。哈！

一部好快嘅07年Macbook，加咗RAM嘛，雖然係黑色，唔係賣飛乏，不過越來越鐘意！:)

而家最唔習慣就係無Office用，本來諗住買iWork，不過今晚俾阿中講吓講吓，走咗去download Open Office...　咦，又幾好用喎，so far都開到哂我啲files，連使者啲超複雜template (including powerpoint!) 都handle到喎！如果真係work就可以摼番啲錢啦！等我繼續努力試吓先！:)

阿仔好快就可以同老豆Skype啦！:)

btw, 阿仔今日好番啲啦，無乜發燒，不過仲係咳。頭先十二點咳到醒咗，我不知幾驚又要成晚同佢瞓地下！不過同佢搽咗啲vicks同埋開咗cool mist同埋攬住瞓咗一陣，又可以擺番佢上床瞓嘞...希望今晚都可以就咁一覺瞓到天光啦！

第一個Video

很多日沒有Update了，因為這幾天都沒有幫仔仔影相。

仔仔又病了。

發燒，有痰，睡得不好，十時睡覺凌晨一時又醒了，要抱要attention，前兩晚也要我與他一起睡至天光，弄得我的頸也硬了，shoulder check也不行！

昨天仔仔看了醫生，剛好Aberdeen walk in clinic 又遇到上次很好很好的郭醫生。診症後知道是傷風，與上次的treatment完全一樣：仔仔要吃就給他吃，不要吃就不要逼他吃，多喝水，甚麼都可以喝（這次他說連喝汽水也可以呢！），洗澡要多蒸氣，最好用cool mist放在房間增加空氣濕度，可以用薄荷膏塗在胸口等等。他真的很專業呢！如果要找醫生不妨找他呀！

仔仔這陣是比較黏了，常常要抱，但是病也沒有辦法。

另一個這兩天沒有給仔仔影相的原因，是因為我不知相機去了哪裡。

前天早上仔仔還在拿著玩的，但是晚上就不知跑到哪兒了。

我媽媽說：「希望仔仔沒有放了入垃圾筒吧...」

今天早上，我們還在找相機。婆婆（我媽媽）在找的時候問仔仔：「你記唔記得擺咗個相機去邊呀？」然後仔仔就伏在偏廳的梳化，然後手放了在梳化的墊邊。婆婆循例掀起梳化墊，原來相機真的就在墊底！

還有這一個video，是仔仔自己turn on the camera 拍的：




很厲害吧！:D

但是下次也不要亂給他玩相機了...

A Koen a day

唔係咁好。

both 我好耐先update一次好多日嘅post同埋阿仔而家嘅身體都唔係咁好。

所以雖然而家好晏（其實已經就快一點半），我都係update咗個blog 先好啲。

阿仔今日痾水痾咗頭尾三次，喺auntie度仲整污糟埋個地㖭。真係唔好意思。

仔仔都係全日好攰咁，不過見佢都係好似好咗啲㗎啦... 繼續祈禱啦，希望佢（同其他同一水病嘅大大小小朋友）快啲好番啦！

A Koen a day

今日仔仔又係咁痾水，成個人都攰哂，仲搞到婆婆同照顧佢嘅姨姨全家都病哂㖭！

希望大家都快啲好番啦...

A Koen a day

陰功，上吐下瀉的一天...

A Koen a day

笑面之後，同仔仔祈禱瞓覺，點知我一出房門口，佢就又開始喊，喊喊喊喊喊，半個鐘唔停，我入去安慰吓佢，出嚟之後再喊，喊喊喊喊喊，終於喊咗成個鐘先瞓到。

我分析原因，基本上有幾個：

1.我今日好早俾佢瞓覺（九點鐘左右）
﹣但係因為佢好早就表現到好眼瞓，揉哂眼瞓哂地，反正又同佢沖咗涼做哂其他routine，所以諗住同佢瞓先囉...

2.阿仔被診斷為嚴重傷風（不過基本上同平日一模一樣，行得走得笑得瞓晏覺都得），醫出開咗兩樽藥水，一樽會令佢精神，一樽會令佢眼瞓。每次都係一齊食嘅...可以今次係令佢精神嗰樽藥水發揮效用啦...

3.病病都係想黏住媽咪嘅...

希望仔仔可以快啲好番啦...

失聲仔仔

呢個係前日嘅仔仔：



係呀，都幾驚㗎，佢一瞓完nap起身就無咗把聲！不過今日已經好好多㗎啦，把聲都好返七八成左右啦！

希望仔仔快啲好番哂啦！

唔妥

阿仔病咗呀...

上個星期已經見到佢食奶嘅時候個鼻see lee seh leck，都知唔妥㗎嘞，跟住就開始咳，有痰，有鼻涕，唔肯瞓覺...終於上個禮拜我破哂例陪佢喺佢房瞓到佢瞓著為止，晚晚攪到點零鐘佢先瞓到，第二朝又係八點就起身！仲要我老公都病埋，但係我又超忙...總之就係呢咁𠺬啦...

尋日仔仔起身好似好啲，全日出咗街之後佢又好happy又好精神，終於我夜晚又同佢重新sleep train過...喊咗45分鐘左右啦，不過見佢喊完之後瞓著，又無成面口水鼻涕，咁即係ok啦。

頭先晏晝又係等佢自己瞓，因為見到佢起身無幾耐就揉眼想瞓咁樣，終於十二點25分要佢瞓，喊到12:54瞓咗，到而家3:21都未醒呀！

真係好啦！阿仔終於可以好好休息一下啦！catch some sleep! (and mommy can finally do some housework...)

保嬰丹，真係得！（二）

陳太：咦，物太，做乜咁煩呀？

物太：阿陳太，我個仔呢牌係咁流鼻水又打乞嚏，睇西醫又唔肯開藥，見到阿仔咁唔舒服我都唔知點算...

陳太：你試吓俾佢食保嬰丹吖！我個仔都係咁樣食保嬰丹就好番啦！

物太：吓？保嬰丹？呢啲中藥得唔得㗎？

陳太：初初我都唔係好信㗎，不過我又係見阿仔病咗好辛苦，諗住一試無妨啦，跟住只係食咗一次之嘛，啲鼻水就全部收哂，仲成個人精神哂㖭，真係未試過都唔信呀！

物太：真係咁神奇？

陳太：既然你阿仔有需要，不如試吓啦，真係好有效㗎！

保嬰丹，真係得！

乜太：呀，陳太，你阿享仔好健康好精神喎！

陳太：唉乜太，你唔知咋，佢朝早都唔係咁㗎，又流鼻水又扭計。好在有保嬰丹咋！

乜太：保嬰丹？

陳太：係呀！仔仔尋晚又瞓得唔好，成日醒，今朝早食完一次保嬰丹之後，唔單止morning nap可以一次過瞓成兩個鐘，仲全日都好好胃口㖭！連daycare個auntie都唔信佢今日表現可以咁好呀！

乜太：嘩，咁犀利？咁我都要買啲嚟看門口先得！

陳太：買嘅時候記住要認明「余仁生保嬰丹」先好買呀！

病

今次唔係只係阿仔病，我哋全家人都有事嘞...

前兩日老公發燒，跟住腸胃唔舒服。

尋日輪到我發燒，跟住又嘔又痾。

都應該係感冒菌入腸胃㗎啦。

老公食咗Nyquill，我就食咗Cold FX，加埋我尋晚浸咗個熱水涼，又焗咗一身汗，而家好番好多啦！

希望真係好番，同埋唔好再病啦！因為嚟緊會有好多exciting嘅事情發生呀... :) :) :)

btw，阿仔而家無哂事啦！全屋最精神係佢！:)

牙痛咁聲陳言享

謝謝天父！

尋晚阿老豆攬住仔仔瞓到十二點，跟住我就接力抱佢，因為阿仔一見到我入房就要搵我嘞...

我俾咗支奶俾阿仔食，跟住抱住佢瞓，連自己都瞓著咗！到一點幾老公先叫醒我擺低阿仔落床。

跟住阿仔就一覺瞓到今朝七點幾啦！:)

頭先再俾咗支奶俾佢飲，而家又瞓番！

摸落好似退咗燒㖭！

謝謝天父！:) :) :)

好辛苦的仔仔 (2)

頭先同阿仔沖咗涼，跟住就俾咗1ml Tylenol俾佢食，因為我哋打電話問咗醫生，如果BB發燒到39C以上，就要俾藥佢食。

阿仔啱啱39.0C...

食完啦，但係佢食完之後"um"咗兩聲，就將我之前餵佢嘅Solid food全部嘔哂出嚟！

即係又要沖涼啦...

唔緊要，最緊要佢身體ok就得啦...

再問醫生，佢話等十五分鐘再俾0.5ml Tylenol俾佢食。跟住唞咗一陣，雖然阿仔瞓咗，不過我哋都俾咗Tylenol阿仔。

而家佢同老豆瞓咗啦，佢真係好攰好攰...

真係希望佢啲牙仔快啲出嚟啦！

希望唔係病病啦... :(

好辛苦的仔仔

今日由朝到晚阿仔都唔係好妥... 成日頭慶慶，食完奶又嘔番哂出嚟，跟住又唔想玩，想瞓但係擺低又喊，成日都要我抱，真係睇到佢都覺得辛苦...

相信佢一定係出牙！所以我都只係盡量配合佢，希望佢可以舒服啲。

真係唔知仲可以點樣幫到阿仔...