陳言享語錄（二）

上個禮拜去咗工展會（好好玩呀！），跟住今日經過一間「香港仔魚蛋麵」之後：

「我呢，喺香港仔，行呀行呀，去到工展會呢，食飯呀！」

陳言享語錄

自從我哋由溫哥華返咗嚟香港之後，阿仔講嘢叻咗好多。可能係呢邊多啲人啦，又可能係開始返學嘅原故啦。不過有時真係會俾呢個小朋友識講嘅嘢嚇親...乜...乜你咁都識講嘅？

近期佳作：

1.（刷牙嘅時候攞住爸爸個牙刷）呢個留番聽日俾爸爸嘅！

2.（見到媽媽笑）媽媽唔喊，媽媽唔鬧呀？（唔知點解佢鐘意用negative嘅方法問）

3.（爸爸帶佢入房，等媽媽可以食埋啲飯）（喺房度）爸爸你快啲出去食飯啦！（即係想換媽咪入去同佢玩）

4.爸爸/媽媽，你今日點呀？（你問佢嘅時候）幾好吖！

5.唔該，我要奶奶！

仔仔日日都有新嘢講！真係要記住佢，留低美好嘅回憶！:)

叻仔！

前幾日，嫲嫲同阿仔例行去對面嘅商場玩，去到唔知麥記定係KFC坐低，就有兩個洋人同阿仔玩，又話佢得意又同佢傾計。平時阿仔一定會同人玩㗎嘛（仲要係洋妞喎！），但係今次佢就全程背住佢哋兩個，無論佢哋點𢭃仔仔都無反應。

嫲嫲梗係唔明點解啦，但係後來睇清楚，就見到呢兩個識講廣東話嘅西人女人原來係耶証嘅人，佢哋係想同嫲嫲講信仰，後來仲俾埋單張㖭！不過嫲嫲一講「我哋係基督徒呀」之後，佢哋就即刻攞嘢走人嘞。阿仔到走都無望過呢兩個人一眼呀！

上帝真係喺仔仔嘅心裡面㗎！多謝天父保守仔仔嘅心！:)　希望佢繼續緊緊跟隨主，單單聽天父嘅聲音！

sumami

其實係tsunami。啱啱星期六同教會嘅弟兄姊妹去咗「挪亞方舟」見到有關tsunami啲人喺裡面嘅慘況，跟住又見到四川地震剩番啲書包，我就話俾佢聽啲人好慘，死咗就無得揹書包返學，咁佢就將兩樣嘢加埋一齊嘞。

不過佢哋真係好慘㗎！真係要多為當地嘅人祈禱！

橙係...黃色！

Koen has been talking a lot...

I love you 婆婆

Koen's ABC Song

要錄低仔仔唱歌，唔容易。

要錄低仔仔正正經經唱完一隻歌，更加難上加難。

呢個都叫做勉勉强强係唱完一次ABC Song啦，雖然最係嗰句唔知佢唱緊乜...

Yo, ROCK!!

係，係我教嘅。預咗會嚇親老公㗎啦。由佢啦。

The singing K

K's singing remix +「六點Auntie Yam」

尾青

今日仔仔唔知點解好攰，夜晚8點幾就攰到發哂火喊哂咁，所以終於涼都唔沖只係換衫就瞓覺，九點三就瞓咗啦！

可能因為下午nap time 得一個鐘左右啦。

anyways, 尋日同阿仔沖沖吓涼，佢突然同我講：「媽媽，『尾青』！」

我唔知佢講緊乜，佢又再同我講：「媽媽，『尾青』！『尾青』！」

到我定一定神，先諗到原來阿仔係話「MAY CHAN」！

我諗我足足笑咗成分鐘！:D

唔該哂！

而家真係好難先可以同仔仔影到video或者相...基本上大概頭嗰三秒俾佢見到部相機唔影嘅話，就唔會影到㗎嘞...

不過，如果要佢講「唔該哂」先俾部機佢，都仲ok嘅... :)

一步步

做事，包括上落樓梯，都係一步步嚟好啲。

Today's weather is... SUNNY!

Koen 本「色」

請相信我，我真係無專登教陳言享講顏色㗎。（大佬，「白色」，點教呀？）

不過尋日同阿女（契姐姐）出街，阿仔突然對住啲白色嘢（唔記得係牆定係乜嘢）自己喺度講「白色！白色！」，咁我見咁好機會，咪試吓同佢玩吓講顏色囉...點知講吓講吓，今日同佢指吓指吓，佢又好似真係識得分紅色白色喎！

其實，都唔知係咪嘅...

（同埋佢講好多色都係「青色」同埋「啡色」㗎...算啦慢慢嚟啦... :)）

A-Z

先嚟個confession。

其實我平時真係好少唱歌㗎。

就算唱歌俾仔仔聽都好少。

所以當Irene同Mavis同Matus and Kirsten唱ABC歌嘅時候，我只係同阿仔讀ABC：



不過阿仔係好鐘意音樂嘅。呢牌俾佢開始玩琴，次次佢行過個琴佢都叫：「唱！唱！」（其實應該係講「彈」）。我同佢彈啲有哂和音嘅歌佢就無乜反應，但係尋晚yiya同佢彈melody唱刷牙歌，佢就開心到跳哂舞！（下次錄俾大家睇！）

我諗，每件事情都有步驟嘅...

（btw，今日我同仔仔度高，佢比9日前我同佢度高咗12mm呀！好犀利呀！）

O-baba

1-10

偷影的


專登錄的

"How do you do" and "牙膏"

How do DO!

eerrr GOO!

陳生教你body parts

陳言享教你耳，口，鼻，頭髮，同埋肚。

得！

One of 仔仔's very cute and sweet videos: