王全男與王全女於又一土的故事

故事全屬陳言享自由創作。意思即係我都唔係好知到底個故事係講乜野嘅。

阿仔的新歌-作主耶穌的精兵

其實我都唔知隻歌叫做乜名，不過全隻歌最似歌都應該係呢句啦... :)

仔仔唱歌之Hokey Pokey

喺温哥華圖書館借咗隻CD，入面有好多隻好好聽嘅兒歌，但係仔仔最鐘意就係呢隻歌。我諗主要係因為我第一次播呢隻歌，就跳舞俾佢睇！:)

上台唱歌！

阿仔好鐘意玩呢個「上台表演」嘅遊戲！可能真係要同佢參加吓啲比賽都好喎！:)

陳生寫名

尋晚就學識寫自己個名啦！

1st prayer!

前幾日，我叫仔仔食飯前祈禱，（因為我次次都係講參唔多嘅嘢，以佢嘅記憶力同埋能力應該識背無問題）佢就話「唔好呀，我唔識祈禱呀！」，跟住我就叫佢跟住我一句一句講，「謝謝天父，賜俾我哋食物，求天父俾我哋食咗之後健康，乖仔，好開心。奉主耶穌基督得勝名求，阿們！」咁佢就好乖咁跟住我一句一句祈咗一次禱嘞。

本來我都已經好開心㗎啦，不過今日老公同仔仔飲奶奶之前諗住祈禱，佢同仔仔講叫佢祈禱啦，跟住同佢開咗個頭講「謝謝天父」，跟住仔仔就自己講：「謝謝天父，賜我奶奶，求天父俾爸爸快啲好番。奉主耶穌基督名求，阿們。」（老公有少少傷風）我哋完全無prep過仔仔，係佢自己要為爸爸祈禱㗎！我聽到都感動到喊咗出嚟！

謝謝天父！願意天父繼續幫助仔仔，讓佢更聽天父話，做天父嘅乖仔仔！阿們！:)

坐板板

阿仔啱啱個禮拜開始識得坐板板去厠所啦！基本上每晚食完飯，放仔仔喺厠所板，阿仔坐一陣就可以去到大便啦！但係平日出街同埋去小便就仲未係好掌握到。

繼續努力啦！已經比以前一坐上板板就喊嘅情況好好多㗎啦！:)

西瓜好好食！:)

夏日炎炎，無嘢好得過消暑食西瓜！

因為仔仔超愛食西瓜，所以今年我哋買西瓜嘅總數多過我哋上年同埋前年加埋咁多！（咁舊年阿仔又細，前年我又拕住阿仔要戒口吖嘛...）

今年開始買西瓜嘅時候，我哋好努力去揀啲靚嘅西瓜，又拍過要彈手，又要深色，又要pat pat細，總之就係出盡智慧為求搵到又紅又甜嘅靚西瓜...點知我哋越努力搵，個瓜就越淡色越唔甜！認真激死人！終於我哋開始作放棄狀態，每次買西瓜都叫阿仔揀，佢話要邊個就邊個！我哋心諗，其實邊個都無所謂啦，無論阿仔點揀，都唔會差得過我哋揀嗰兩個㗎啦！

原來又真係得㗎喎！So far 次次阿仔揀嘅西瓜，都係又甜又多汁又薄皮㗎喎！真係次次掂，從未失手㗎！

睇吓我哋食得幾開心！:)

氹氹轉

仔仔Version:

原裝：

點解「阿媽帶我睇龍船」會變咗「阿媽跌咗錢」？我都好想知...

剝蛋殼

前幾個禮拜嘅事嚟㗎嘞，只係一路唔記得blog啫...

嗰日餵完阿仔，同平時一樣我哋通常會俾多隻蛋佢食。嗰日我心血來潮，因為又要去攞啲嘢，又想俾仔仔試吓玩，所以就將隻打開咗少少殼嘅蛋就咁攞低咗俾仔仔。到我返嚟嘅時候，我已經見到佢喺度食緊隻蛋嘞！

我問一問喺度洗緊嘢嘅媽媽係咪佢幫仔仔整開啲蛋殼，佢睇一睇先發現原來阿仔喺度食緊蛋！咁即係佢自己整㗎啦！

真係唔好睇小細路仔可以做嘅嘢！

（佢而家已經好少開蛋啦，佢會好心急連啲蛋白都搣埋！）

唔該哂！

而家真係好難先可以同仔仔影到video或者相...基本上大概頭嗰三秒俾佢見到部相機唔影嘅話，就唔會影到㗎嘞...

不過，如果要佢講「唔該哂」先俾部機佢，都仲ok嘅... :)

神探享享（二）

上一次神探享享出招，你幫yiya搵番條鎖匙。

差唔多成個月前，我家姐已經問我見唔見佢條杏色褲，因為佢洗完之後幾個禮拜都唔見條褲。我又同佢搵哂我啲衫，都係無喎。

上兩個禮拜，我家姐靈機一觸，走去問仔仔：「享享呀，你知唔知我條杏色褲去咗邊呀？」

只見享享諗咗一陣，就走咗去家姐房一個平時唔用嘅衣櫃度。

原來條褲就係擺咗喺呢個櫃入面！

神探享享又破案啦！

p.s. 近牌有個朋友唔見咗銀包，我已經問咗仔仔知唔知個銀包去咗邊㗎啦！我問咗佢兩日，跟住佢諗咗一陣同我講「爺爺」... 唔知會唔會幫到我朋友搵番個銀包呢？:)

1-10 remix

享享上台講故仔

時間：剛過了的星期六
地點：列治文Steveston農場及果菜市場
人物：仔仔，婆婆，Yiya，我

發生事故：
阿仔同埋一齊去買餸嘅時候，當然唔會走去幫手揀生果啦。我同佢去咗賣花個地方睇花花，佢就好有興趣咁周圍睇。去到呢個本來係放盆栽嘅台，阿仔突然間好有興致走上去，仲好想講故仔㖭！所以就有呢個video嘞。



佢大大話話都有上落咗廿幾卅次㗎！去完呢個台仲走上另一邊一個要上多級嘅台㖭！:D

佢喺度講緊乜嘢故事？其實佢暫時只係識講一個故事，就係「阿當與夏娃」嘅故事：

解說：
1.（食嘢聲及動作）﹣阿當同夏娃食咗個「果果」
2. 「no no」﹣天父話：「個果唔食得㗎！」
3. 「拜拜」﹣天父話：「你哋唔可以喺garden（伊甸園）啦！拜拜！」

以前阿仔淨係識食食同埋"no no"，不過近牌就識得加埋拜拜落個故事度，不過又會走去「妺仔大過主人婆」淨係得個拜拜...唔緊要啦，第一次上台講故事，係會緊張啲嘅... :D

第一個Video

很多日沒有Update了，因為這幾天都沒有幫仔仔影相。

仔仔又病了。

發燒，有痰，睡得不好，十時睡覺凌晨一時又醒了，要抱要attention，前兩晚也要我與他一起睡至天光，弄得我的頸也硬了，shoulder check也不行！

昨天仔仔看了醫生，剛好Aberdeen walk in clinic 又遇到上次很好很好的郭醫生。診症後知道是傷風，與上次的treatment完全一樣：仔仔要吃就給他吃，不要吃就不要逼他吃，多喝水，甚麼都可以喝（這次他說連喝汽水也可以呢！），洗澡要多蒸氣，最好用cool mist放在房間增加空氣濕度，可以用薄荷膏塗在胸口等等。他真的很專業呢！如果要找醫生不妨找他呀！

仔仔這陣是比較黏了，常常要抱，但是病也沒有辦法。

另一個這兩天沒有給仔仔影相的原因，是因為我不知相機去了哪裡。

前天早上仔仔還在拿著玩的，但是晚上就不知跑到哪兒了。

我媽媽說：「希望仔仔沒有放了入垃圾筒吧...」

今天早上，我們還在找相機。婆婆（我媽媽）在找的時候問仔仔：「你記唔記得擺咗個相機去邊呀？」然後仔仔就伏在偏廳的梳化，然後手放了在梳化的墊邊。婆婆循例掀起梳化墊，原來相機真的就在墊底！

還有這一個video，是仔仔自己turn on the camera 拍的：




很厲害吧！:D

但是下次也不要亂給他玩相機了...

使者！

陳生教你body parts

陳言享教你耳，口，鼻，頭髮，同埋肚。

吹

阿仔識得幫手吹涼嘅食物先食㗎！:)

識行啦！阿仔識行啦！！！！！

阿仔終於敢放開手自己行啦！

真係好開心！因為其實一直都知道佢可以handle 到自己行路，只係佢唔夠膽，又怕衰怕瘀，不過今次佢行到，我哋全部人都好開心呀！！！:D :D

畫畫

阿仔不嬲都好鐘意玩筆筆。尋日專登走去買咗啲紙同蠟筆，諗住俾阿仔得閒可以玩。

今日阿仔有機會大筆一揮，完成咗佢人生第一幅傑作！

（右下角個happy face係我畫嘅。我個仔又未至於第一次畫畫就畫到圖案咁巴閉...）

而家我將張畫貼起咗啦！遲啲我會買個框鑲起佢，以作留念！:)